قیسا تورکی شئعر-نصرت کسمنلی
پنج شنبه 6 فروردين 1394 ساعت 23:50 | بازدید : 909 | نویسنده : آراز شیوا | ( نظرات )

بئله آیریلیب گئتمه
یئنه قاییداجاقسان
هارا گئتسه ن بیلیرم
منه قاییداجاقسان
...
یوللار یوراجاق سنی
یولدا قویاجاق سنی
دنیز بوغاجاق سنی
گؤله قاییداجاقسان
...
یالان گوماندان بئزیب
اؤتن زاماندان بئزیب
بیرگون دوماندان بئزیب
چنه قاییداجاقسان
...
تیکانی وار گؤلونده
سنی سسلر کولومده
دؤنه جه کسه ن تئلیمده
دنه ، قاییداجاقسان
...
سن سن سئوگیمین ایلکی
تک سنه چاتیر ارکی
کؤنلوم ائله بیلیر کی
هله قاییداجاقسان.
"نصرت کسمنلی"

 


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


قیسا تورکی شئعر
جمعه 29 اسفند 1393 ساعت 16:24 | بازدید : 912 | نویسنده : آراز شیوا | ( نظرات )

بـایـرام اولــوب، قیــزیــل پــالـچـیـق اَزرلـر

نـــاقـیــش ووروب، اوطــاقــلـاری بــزَرلـــر

طــــاغـچــــالـــارا دوزمــه لــری دوزَرلــــر

قیــزگلیـنیـن فیـندیقـچاسـی ، حنـاسـی

هَـوسـله نــر آنـــاســی ، قـایـنـانـاســی

* استاد شهریار *

Bayram olup qızıl palçıq əzərlər

Naqış vurup otaqları bəzərlər

Tağçalara düzmələri düzələr

Qız gəlinin fındıqçasi, hənası

Həvəslənər anası, qaynanası

-Şəhriyar

Taza iliniz mubarək olsun

‎ یِـنـــی ایـــلیــنیـــز مـــوتــلــو اولـــســـون


موضوعات مرتبط: اشعار تورکی , آذربایجان , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


قیسا تورکی شئعر-محرم محمدزاده
یک شنبه 17 اسفند 1393 ساعت 20:57 | بازدید : 1401 | نویسنده : آراز شیوا | ( نظرات )

 هئی؛ اورک ده قالدی آرزولار...
محرم محمدزاده

 


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


قیسا تورکی شئعر
جمعه 15 اسفند 1393 ساعت 15:2 | بازدید : 1035 | نویسنده : آراز شیوا | ( نظرات )

 سارا بير آيدي بيزيم ائللره آيسیز گئجه لر
بير اوجا سسدي قولاق وئر اونا هايسیز گئجه لر
سارا بير باغدي طبيعتدن آليب قول بوداغی
بير شيرين ماهنيدي یانلیزاوخویار ائل دوداقی
سارا بير قيزدي سودان سورمه چكیپ گوزلرينه
جان دئييب بيرده اوركدن آرازين سؤزلرينه
سارا سئودا ايله دونياني آنان بير قيزدي
او قارانليق گئجه ني آيدين ائدن اولدوزدي
سارا سئودا ايله دونياني آنان بير قيزدي
سارا غملر اوجاغيندا آليشان بير كؤزدي
بير نجابتلي گلين دير ائله آسلان ساياغي
قويمادي قاره ائده دنياسیني چاققال آياقي
اوزوني آتدي سئله اوزگني حيران ائلدي
اويانان شمعيني پروانه‌يه قوربان ائله دي
قوشولوب سئللره گئتدي آنا يوردون ساراسي
قالدي شيرين اورگينده يئنه فرهاد ياراسي
باغلادي ساچلاريني قويمادي بيگانه گؤره
آنا يوردون قيزي وئرمز ساچين هر كيمسه هوره
گلين اولدي آرازا اوردا تويون توتدي سارا
سؤیله‌دي اوردا اوره‌ك سؤزلريني نازلي يارا
آراز آغلار گوز ايله آلدي ساراي اللريني
دارادي ائل قيزينين بيرده قارا تللريني
گئتدي گؤزلردن اوزاق دوشدي ائلين بيردنه سي
گورمدي خان چوبانين آيريليغين سون نفسي
سارا گوز لردن اوزاق دوشسده ايتمز اثري
بير ياراق تك سؤزونون واردي هله چوخ كسري

برچسب‌ها: قیسا تورکی شئعر ,

موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


قیسا تورکی شئعر-فرید بجائی
چهار شنبه 13 اسفند 1393 ساعت 23:1 | بازدید : 2933 | نویسنده : آراز شیوا | ( نظرات )

 

 

اورگیم قان دی فلک رحم ائله آغلاتما منی
باخ منیم حالیما غم غصصیه باغلاتما منی
اوزگه لیق بسدی منه اوزگه نی یار ائتمه اونا
آیریلیق دان یانیرام سن داها دیغلاتما منی

***
فرید بجائی


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


قیسا تورکی شئعر-فرید بجائی
دو شنبه 11 اسفند 1393 ساعت 1:5 | بازدید : 1962 | نویسنده : آراز شیوا | ( نظرات )

 سن پری سن گوزلیم منده کی بیر ساده جوان
قانادیم یوخدی اوچام سنله جانیم بوردا دایان
سن کی وارسان منه بیر دونیا حریف اولمیاجاق
جانیمی ایسته وریم جان سنه قورباندی اینان

sən pərisən gözəlim mən də ki bir sadə cavan
qanadım yoxdi uçam sənlə canım burda dayan
sən ki varsan mənə bir dünya hərif olmuyacaq
canımı istə verim can sənə qurbandı inan

فرید بجائی


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


قیسا تورکی شئعر
دو شنبه 11 اسفند 1393 ساعت 1:28 | بازدید : 1188 | نویسنده : آراز شیوا | ( نظرات )

برچسب‌ها: قیسا تورکی شئعر ,

موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


قیسا تورکی شئعر
چهار شنبه 6 اسفند 1393 ساعت 13:18 | بازدید : 1168 | نویسنده : آراز شیوا | ( نظرات )

 گول اگر بولبولی دیندیرمه سه بولبول قوجالار
شمع اگر اولماسا پروانه غمیندن سارالار
یاریمین بیر باخیشی کل بو دونیایه دَیَر
من دیندیرمه سه دونیابویی دونیام قارالار

***
فرید بجائی


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


قیسا تورکی شئعر
چهار شنبه 6 اسفند 1393 ساعت 13:3 | بازدید : 1115 | نویسنده : آراز شیوا | ( نظرات )

 بیلسن گؤزلیم سن نه قدر سئوگیلی جانان سان
حسرت چکیر عالم سنه مشهور جهان سان
©علی آغا واحد


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


قیسا تورکی شئعر
سه شنبه 5 اسفند 1393 ساعت 13:8 | بازدید : 1176 | نویسنده : آراز شیوا | ( نظرات )

فلک ایستیر سالا دائم منی سن دن آیری گوزلیم

 

 

برچسب‌ها: قیسا تورکی شئعر ,

موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


تورکی شئعر-کریمی مراغه ای
یک شنبه 3 اسفند 1393 ساعت 17:20 | بازدید : 1541 | نویسنده : آراز شیوا | ( نظرات )

 وئرمیشم طاقت و آرامیمی ای یار سنه 

عاشقم عاشقم ای دلبر عیار سنه

سوه رم بزم اولا خلوت قویاسان من ائلیم 
دردیمی محنتیمی غصه می اظهار سنه

گزه رم کوچه و دربندی دالونجا سوخارام 
پیچاقی قارنینا هر کس ائده آزار سنه

ایستی وقتینده سویونسان سالارام تئز ایچینه 
کاسه نین بوز وئره رم شربت گلنار سنه

گل اوتور قوزا قیچون گییدیریم ای یار سنه 
هرنه سویسن جوراب و چکمه و شلوار سنه

نیه آوجوندا سیخورسان ازیسن سیندیریسان 
نیلیوب آخ بو یازیق قلب وفادار سنه

سن یخیل بالش ناز اوسته اوزان منده چالیم 
ضرب و قارمان و کمانچه، ویلن، تار سنه

اگمه شاخ ساخلا یانوندا باخوب اوپ قوی گوزیوه 
بو گوزل عکسی که مندن قالور آثار سنه

دوگمه سین آچ آرالا ساخلا قویوم اورتاسینا 
آلمیشام ساک دولوسی،حیوا،لیمو،نار سنه

عیبی یوخ اینجیمه ویش ویش دئمه قوی تئز چیخادوم 
سیخسا باشماق ایاقون اولسا اگر دار سنه

دوز بیر آز بندین آچوم تا وئریم الآن الیوه 
چتریوی وئرمیه زحمت بو یاغیش قار سنه

گله سن باغدا وئرم بیر الیوه اویناداسان 
قرمزی آلما ، شمامه ، گل بی خار سنه

ال ایاق چالما چالیشما نئجه دوتسان گئچه جاق 
دئمه خاطر قویاجاق چرخ جفاکار سنه

احتراماً دایارام آغزیوا سنده سوراسان 
سولی قلیانی کریمی دییر اشعار سنه

.................................................................
شاعیر : اوستاد کریمی مراغه ای


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


قیسا تورکی شئعر-فرید بجائی
شنبه 2 اسفند 1393 ساعت 13:31 | بازدید : 1103 | نویسنده : آراز شیوا | ( نظرات )

 دونن آخشام گئنه یادین منی ویران ائله دی

منی آغلاتدی خیالین اورگیم قان ائله دی
گوزلریم آرزیلادی گوزلریوین گورماغینی
بوش یئرین حسرتی یاش گوزلره احسان ائله دی

***
فرید بجائی


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


قیسا تورکی شئعر
شنبه 2 اسفند 1393 ساعت 13:14 | بازدید : 1385 | نویسنده : آراز شیوا | ( نظرات )

 یالواردی گـوزوم گـوزلریوه گئتمه آماندی
گوزدن منی سالما گوزلیم دونیا یالاندی
بیر اوزگیه خاطیر منی سن موفتیه ساتدین
سننن سورا دونیا دا منه غصه قالاندی

برچسب‌ها: قیسا تورکی شئعر ,

موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


سن سیزله میشم-اشعار تورکی
شنبه 25 بهمن 1393 ساعت 23:47 | بازدید : 1185 | نویسنده : آراز شیوا | ( نظرات )

باخ گولوم گلدی باهار آچدی بولاق لار گؤزونو
یار اینانما بو گؤز یاشلاری باغلار گؤزومو
قورخورام سنسیز اؤلم، آغلایاسان آرخامجا
آخی اؤلسم ملکیم کیم سیلر آغلار گؤزونو
نه قده ر گؤینه میشم، نه قده ر سیزلامیشام
نئجه یالقیزلامیشام، یار نئجه یالقیزلامیشام،
بو کؤنول دفترینه، درد، کده ر یازدی فلک
بو غریب طالعیمه گؤرکی نه لر یازدی فلک
نئیله ییم آخی من سنسیزلیگه اؤیره شمه میشم
منه غربتده کئچن، عؤمرو هده ر یازدی فلک
آه نه قده ر گؤینه میشم، گؤز یاشین گیزله میشم
نئجه سنسیزله میشم، یار نئجه سنسیزله میشم
.
.
bax gülüm gəldi bahar açdı bulaqlar gözünü 
yar ınanma bu göz yaşları bağlar gözümü
gorxuram sənsiz öləm ağlayasan arxamca 
axi ölsəm mələyim kim silər ağlar gözünü
nə qədər göynəmişəm nə qədər sizlamışam 
necə yalqızlamışam yar necə yalqızlamışam 
bu könül dəftərinə dərdo kədər yazdı fələk
bu qərib taleimə gör ki nələr yazdə fələk 
neyləyim axı mən sənsizliyə öyrəşmşmişəm
mənə qürbətdə keçən ömrü hədər yazdı fələk 
ah nə qədər göynəmişəm göz yaşın gizləmişəm
necə sənsizləmişəm yar necə sənsizləmişəm

 


.

 


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


اشعار تورکی-علی آقا واحد
دو شنبه 20 بهمن 1393 ساعت 23:7 | بازدید : 1177 | نویسنده : آراز شیوا | ( نظرات )

 سن زولفونو آچ، تؤ ک اوزونه، شانه سی مندن
زنجیـری نشـان وئـر منـه، دیـوانـه سـی منـدن
سن عاشیقی یاندیرماغا، مـن یـانمـاغـا مـایـل
سن شمعینی گـو
ٔستـر منـه، پـروانـه سـی منـدن
زولفون قدری، عاشیق اولان وار سنه، ای گول
سن سو
ٔیله، او مجنونلاری، افسانه سی منـدن!
سـرمسـت گـو
ٔزون، فتنـه لبیـن، نشئـه لـی بـاده
ایچدیـرمنـه، اول بـاده نـی، پیمـانـه سـی منـدن
سن نازایله گل کی، صـدفیـن قیمتـی آرتسیـن
گو
ٔز یاشی کیمی، اینجیسی، دوردانه سی منـدن
هردن گو
ٔتور اوزدن، گؤزه لیم، افعی ِ زولفـون
چک ظاهیـره گنجینـه نـی، ویـرانـه سـی منـدن
واحد، مئیی ترک ائتمک اوچون پیرِ مغـانیـن
رنجیده اولوب، بیـر نئچـه مستـانـه سـی منـدن

علی آقا واحد


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


اشعار تورکی-حضرت شهریار
دو شنبه 20 بهمن 1393 ساعت 22:46 | بازدید : 1939 | نویسنده : آراز شیوا | ( نظرات )

 آنا

آنامین آغ اوزون، گؤرماغیم گلدی
آنامین دیزینه باشیمی قویوب
دونیانین فیکرینی، آتماغیم گلدی
یئرین آلت قاتیندا انون یانیندا
هئچ اولمازسا بیرآن، یاتماغیم گلدی
او گئدن یوللارین ، ایین قوخلاییب
او اوچان یئرلره ، اوچماغیم گلدی
فیکریمه گلدیقجا آیریلیق گونو
بولود تک چاخنایب، یاغماغیم گلدی
او یاتان مزار دا انون یانیندا
حیاتدان آیریلیب اؤلماغیم گلدی

حضرت شهریار


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


اشعار تورکی-حضرت شهریار
یک شنبه 19 بهمن 1393 ساعت 19:54 | بازدید : 1903 | نویسنده : آراز شیوا | ( نظرات )

 یار گونومی گؤی اسگییه توتدو کی دور منی بوشا
جوتچو گؤروبسه ن اؤکوزه اؤکوز قویوب بیزوو قوشا ؟
سن اللینی کئچیب یاشین ، من بیر اوتوز یاشیندا قیز
سؤیله گؤروم اوتوز یاشین نه نیسبتی اللی یاشا ؟
سن یئره قویدون باشیوی من باشیما نه داش سالیم ؟
بلکه من آرتیق یاشادیم نئیله مه لی ؟ دئدیم یاشا
بیرده بلالی باش نچون یانینا سوپورگه باغلاسین؟
بؤرکو باشا قویان گرک بؤرکونه ده بیر یاراشا
بیرده کبین کسیلمه میش سن منه بیر سؤز دئمه دین
یوخسا جهازیمدا گرک گلئیدی بیر حوققا ماشا
دئدیم : قضا گلیب تاپیب ، بیر ایشیدی اولوب کئچیب
قوربانام اول آلا گؤزه ، حئیرانان اول قلم قاشا
منکی اؤزومده بیر گوناه گؤرمه ییرم ، چاره ندیر ؟
پیس بشرین قایداسی دیر ، یاخشی نی گؤرسه دولاشا
دوستا مروت ائتمه لی دوشمه نیله کئچینمه لی
قایدا بودیر ، حئیف دئگیل بشر یولون آشیب چاشا ؟
من ده سنین دای اوغلونام سن ده منیم بی بیم قیزی
گؤنول باخیرسا گونه شه ، گؤزده گرک بیر قاماشا
ایندی بیزیم مارال کیمی ، اوچ بالامیز واردی ، گرک
آتا – آنا ساواشسادا ، بونلارا خاطیر باریشا
هر کیشی یه عیالی دا ، اؤز جانی تک هؤروکلنیب
هدیه ده اولماز ائله سین عیالی قارداش قارداشا
بو دونیا بیر یول کیمی دیر ، بیز آخرت مسافیری
کجاوه ده هاماش گرک اؤز هاماشینان یاناشا
آخیرتی اولانلارین ، دونیاسی غم سیز اولمویوب
سئل دی گله ر آخار کئچر ، آمما گرک آشیب – داشا
مثل دی : « یئر کی برک اولور ، اؤکوز اؤکوزدن اینجییور »
هی دارتیلیر ایپین قیرا ، یولداشیلا بیر ساواشا
بیزیم ده روزیگاریمیز یامان دی ، بیزده عیب یوخ
بلکه وظیفه دیر بشر قونشولاریلان قونوشا
حق حیات یوخ داها بیزلره ، چوخ بؤیوک باشی
زندانیمیزدا حققیمیز ، بیر باجا تاپساق ، تاماشا
آمما اونون شماتتی آللاها خوش گلمیوبن
گئتدی منیم حیاتیمی ووردی داشا چیخدی باشا
اوستاد شهریار


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


اشعار تورکی-علی آقا واحد
جمعه 10 بهمن 1393 ساعت 1:3 | بازدید : 976 | نویسنده : آراز شیوا | ( نظرات )

یاخشیدیر

 بیر نفر اهل وفا مین بی‌وفادن یاخشیدیر

بیر صداقت اهلی مین اهل ریادن یاخشیدیر

هانسی گول دیر حسنده سندن گوزه‌ل دیر، سئوگیلیم

هانسی بولبول عشقده من بینوادن یاخشیدیر

قاشلارین چرخین هلالیندن، اوزین خورشیددن

صورتین آیینه‌ی گیتی نمادن یاخشیدیر

بیر داها خالین گوزه‌ل‌لیک آرتیریر رخسارینه

بیر غلط سوزدیر دیمشلر، آغ قارادان یاخشیدیر

گوزلرین صحرای چین آهولریندن دل فریب

عنبرین گیسولرین مشک خطادن یاخشیدیر

صحتی بیمار، عشقین کعبه‌ی کوینده‌دیر

اهل درده خاک راهین توتیادن یاخشیدیر

مین بلا طوفانی، قوپسا، ذره گلمه‌ز عینیمه

رخنه گورمز هر بنا کیم ابتدادن یاخشیدیر

جاهله تبلیغ عرفان ایله‌ملک آسان ده‌گیل

دیده‌ی خفاش ایچون ظلمت ضیادن یاخشیدیر

واحد،انصافاً دیسین تبریزده دوستوم اعتماد

گنجلرده هانسی شاعر «بی‌ریادن» یاخشیدیر


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


اشعار تورکی-حضرت شهریار
جمعه 10 بهمن 1393 ساعت 1:52 | بازدید : 1950 | نویسنده : آراز شیوا | ( نظرات )
 
 

 

 

خان ننه

 

خان ننه، هایاندا قالدین

بئله باشیوا دولانام

نئجه من سنی ایتیردیم!

دا سنین تایین تاپیلماز

 

سن أولن گون، عمه گلدی

منی گتدی آیری کنده

من اوشاق، نه آنلیایدیم؟

باشیمی قاتیب اوشاقلار

نئچه گون من اوردا قالدیم

 

قاییدیب گلنده،باخدیم

یئریوی ییغیشدیریبلار

نه أوزون، و نه یئرین وار

«هانی خان ننه م؟» سوروشدوم

دئدیلرکه:خان ننه وی

آپاریبلا کربلایه

 

که شفاسین اوردان آلسین

سفری اوزون سفردیر

بیر ایکی ایل چکرگلینجه

 

نئجه آغلارام، یانیخلی

نئچه گون ائله چیغیردیم

که سسیم، سینم توتولدی

 

او، من اولماسام یانیندا

أوزی هئچ یئره گدنمز

بو سفر نولوبدی، من سیز

أوزی، تک قویوب گئدیبدی؟

 

هامیدان آجیخ ائدرکن

هامییا آجیخلی باخدیم

سونرا باشلادیم که: من ده

گئدیرم اونون دالینجا

دئدیلر: سنین کی تئزدیر

امامین مزاری اوسته-

اوشاقی آپارماق اولماز

سن اوخی، قرآنی تئز چیخ

سن اونی چیخینجا بلکه

گله خان ننه سفردن

 

تله سیک راوانلاماقدا

اوخودوم قرآنی چیخدیم

که یازیم سنه: گل ایندی

داها چیخمیشام قرآنی

منه سوقت آل گلنده

آما هر کاغاز یازاندا

آقامین گؤزی دولاردی

سنده کی گلیب چیخمادین

نئچه ایل بو انتظارلا

گونی، هفته نی سایاردیم

تا یاواش یاواش گؤز آچدیم

آنلادیم که، سن أولوبسن!

 

بیله بیلمیه هنوزدا

اوره گیمده بیر ایتیک وار

گؤزوم آختارار همیشه

نه یاماندی بو ایتیک لر

 

خان ننه جانیم، نولِیدی

سنی بیرده من تاپایدیم

او آیاقلار اوسته، بیرده

دؤشه نیب بیر آغلایایدیم

قولی حلقه سالمیش ایپ تک

او آیاغی باغلیایدیم

که داها گئدنمیه ایدین

 

گئجه لر یاتاندا، سن ده

منی قوینووا آلاردین

نئجه باغریوا باساردین

قولون اوسته گاه سالاردین

 

آخی دنیا نی آتارکن

ایکیمیز شیرین یاتاردیق

یوخودا(لولئی)آتارکن

سنی من بلشدیرَردیم

گئجه لی، سو قیزدیراردین

أوزیوی تمیزلیهردین

گنه ده منی أوپردین

هئچ منه آجیخلامازدین

 

ساواشان منه کیم اولسون

سن منه هاوار دوراردین

منی، سن آنام دؤینده

قاپیب آرادان چیخاردین

 

ائله ایستیلیک او ایستک

داها کیمسه ده اولورمی؟

اوره گیم دئییر کی: یوق- یوق

او ده رین صفالی ایستک

منیم او عزیزلیگیم تک

سنیله گئدیب، توکندی

 

خان ننه، أزون دیئیردین

که: سنه بهشت ده، آلله

وئرجک نه ایستیورسن

بو سؤزون یادیندا قالسین

منه قولینی وئریب سن

 

ائله بیر گونوم اولورسا

بیلیسن نه ایسته رم من؟

سؤزیمه درست قولاخ وئر:

(سن ایلن اوشاخلیق عهدین)

 

خان ننه آمان، نولِیدی

بیر اوشاخلیغی تاپایدیم

بیر ده من سنه چاتایدیم

سنیلن قوجاقلاشایدیم

سنیلن بیر آغلاشایدیم

یئنیدن اوشاق اولورکن

قوجاغوندا بیر یاتایدیم

ائلر بیر بهشت اولورسا

داها من ئوز آللاهمیمدان

باشقا بیر شئ ایستمزدیم

<<استاد شهریار>> 

موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


اشعار تورکی-حضرت شهریار
سه شنبه 7 بهمن 1393 ساعت 16:0 | بازدید : 1414 | نویسنده : آراز شیوا | ( نظرات )

 

سهندیه

 شاه داغیم، چال پاپاغیم، ائل دایاغیم، شانلی سهند´یم

 

ادامه مطلب...

 


موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


اشعار تورکی-حضرت شهریار
سه شنبه 7 بهمن 1393 ساعت 15:13 | بازدید : 1543 | نویسنده : آراز شیوا | ( نظرات )

 

بهجت آباد خاطره سی

اولدوز سایاراق گوزله‌میشم هر گئجه یاری

                                                   گئژ گلمه‌ده دیر یار ، گئنه اولموش گئجه یاری

گوزلر آسیلی یوخ نه قارالتی نه ده بیر سس

                                                    باتمیش قولاغیم گور نه دوشورمکده‌دی داری

بیر قوش آییغام سویله‌یه‌رک گاهدان اییلده‌ر

                                                    گاهدان اونودا یئل دئیه لای لای هوش آپاری

یاتمیش هامی بیر آللاه اویاخدیر داها بیر من

                                                     مندن آشاغی کیمسه یوخ اوندان دا یوخاری

قورخوم بودو یار گلمه‌یه بیردن یاریلا صوبح

                                                          باغریم یاریلار صوبحوم آچیلما سنی تاری

دان اولدوزو ایستر چیخا گوز یالواری چیخما

                                                        او چیخماسادا اولدوزمون یوخدی چیخاری

گلمز تانیرام بختیمی، ایندی آغارار صوبح

                                                             قاش بیله آغاردیخچا داها باشدا آغاری

عشقین کی فرارینده وفا اولمیاجاقمیش

                                                               بیلمم کی طبیعت نیه قویموش بو قراری

سانکی خوروزون سون بانی خنجردی سوخولدو

                                                            سینمده اورک وارسا کسیب قیردی داماری

ریشخندیله قیرجاندی سحر سویلدی: دورما

                                                      جان قورخوسو وار عشقین، اوتوزدون بو قوماری

اولدوم قارا گون، آیریلالی او ساری تلدن

                                                               بیله قارا گونلردی ائده دن رنگیمی ساری

گوز یاشلاری هر یئردن آخارسا منی توشلار

                                                               دریایه باخار بللی‌دی چایلارین آخاری

از بس منی یاپراق کیمی هیجرانلا سارالدیب

                                                             باخسان اوزونه سانکی قیزیل گولدو قیزاری

محراب شفقده اوزومو سجده ده گوردوم

                                                    قان ایچره غمیم یوخ، اوزوم اولسون سنه ساری

عشقی واریدی شهریارین گوللو، چیچکلی

                                                     افسوس قارا یئل اسدی، خزان اولدو باهاری

 

موضوعات مرتبط: اشعار تورکی , ,

|
امتیاز مطلب : 0
|
تعداد امتیازدهندگان : 0
|
مجموع امتیاز : 0


اشعار تورکی-کریمی مراغه ای
سه شنبه 30 دی 1393 ساعت 23:13 | بازدید : 1736 | نویسنده : آراز شیوا | ( نظرات )

 دولوب محببتون ای شوخ و دلستان دیلیمه 

آلیب قراریمی الدن وئریب توان دیلیمه
کمان قاشون، گؤزون، اوخ کیپریگون، ساچین گؤزه لیم
آتیر کمند، چکیر یای گئدیر نشان دیلیمه
آلاولی سینه مین آهی وجودیمی کول ائدر
اگر سو سپمسه بو چشم خونفشان دیلیمه
یوخومدو چاره دایاننام همیشه چم خمیوه
ولی باتیرمیاسان طعنیله تیکان دیلیمه
گتیر جمالیوی قوی سینمه قادان جانیما 
سرین سرین نفسونله سو سپ یانان دیلیمه
نه قدری گیزله دیرم درد عشقی سینه مده 
دیلیمده جوشه گلیر غم اولور روان دیلیمه
می الستله مستم نه آبدستله پست
کی دگمه ییب الیمه جام و استکان دیلیمه
آنا دیلیم ائله شیریندی جاندان ایسته ملی
آچاندا من دیل آنام چوخ دئییبدی جان دیلیمه
دیلیم شیریندی عسلدن اودور کی غم یئمه رم
اگر وورا آریلار نیش هر زامان دیلیمه
منم او ترک، کی آدیم غزللرین دوزودو 
من آذر اوغلویام آذر وئریبدی جان دیلیمه
منم او ترک، بخارئیله سمرقندی
باغیشلاییبلا قرا خالیمه ماتان دیلیمه
منم او ترک، کی غربتده اللی ایل یاشارام 
تجاوز ائیله مز اهواز و اصفهان دیلیمه
منم او ترک، کی دالدان چیخاردارام دیلینی
قاهاررام انگینی هر کیم دیسه یامان دیلیمه
منم او ترک، سوزوم جمله سوزلرین گوزیدو
سوزوم اوزوم کیمی دوز، باغلاما یالان دیلیمه
دیلین فضیلتی یوخدور ملاک تقوادی
گئد اوز کمالیوه گول گولمه ای فلان دیلیمه
یقول اکرمکم عند ربّی اتقاکم 
قویوب پیمبر اکرم گوزل بیان دیلیمه
همیشه امر به معروف دور منیم هدفیم
اگر کومک لیق ائده حیّ لامکان دیلیمه
منافقه دئیرم ال گوتور بو تفرقه دن 
گولوب محاسینیمه یازما داستان دیلیمه
گلین وئره ک ال اله دشمنین قازاق کوکونو
یئتیرمه زهریلی عقرب کیمی زیان دیلیمه
“کریمی” ام دیلیمی رایج زامان ائده رم 
توجّه ائتسه آقام صاحب الزّمان دیلیمه
شاعر : اوستاد کریمی مراغه ای

موضوعات مرتبط: اشعار تورکی , ,

|
امتیاز مطلب : 35
|
تعداد امتیازدهندگان : 7
|
مجموع امتیاز : 7


منوی کاربری


عضو شوید


نام کاربری
رمز عبور

:: فراموشی رمز عبور؟

عضویت سریع

نام کاربری
رمز عبور
تکرار رمز
ایمیل
کد تصویری
نویسندگان
نظر سنجی

آیا مطالب وبلاگ مورد پسند و استفاده شما قرار گرفته است ؟

خبرنامه
براي اطلاع از آپيدت شدن وبلاگ در خبرنامه وبلاگ عضو شويد تا جديدترين مطالب به ايميل شما ارسال شود



دیگر موارد

آمار وب سایت:  

بازدید امروز : 667
بازدید دیروز : 209
بازدید هفته : 2136
بازدید ماه : 10752
بازدید کل : 337058
تعداد مطالب : 911
تعداد نظرات : 3
تعداد آنلاین : 1

چت باکس

نام :
وب :
پیام :
2+2=:
(Refresh)
تبادل لینک هوشمند

تبادل لینک هوشمند

برای تبادل لینک ابتدا ما را با عنوان آز وب,تکنولوژی,پزشکی,شعر,اخبار و آدرس azweb.LXB.ir لینک نمایید سپس مشخصات لینک خود را در زیر نوشته . در صورت وجود لینک ما در سایت شما لینکتان به طور خودکار در سایت ما قرار میگیرد.






آمار وب سایت

آمار مطالب

:: کل مطالب : 911
:: کل نظرات : 3

آمار کاربران

:: افراد آنلاین : 1
:: تعداد اعضا : 15

کاربران آنلاین


آمار بازدید

:: بازدید امروز : 667
:: باردید دیروز : 209
:: بازدید هفته : 2136
:: بازدید ماه : 10752
:: بازدید سال : 25566
:: بازدید کلی : 337058